Wax ka ogow Qaybo ka mid ah nolosha gaarka ah ee Kim Jong Un


Madaxweynaha Koonfurta Kuuriya Kim Jong Un  waa 32 jir dalkaas hadda xukumayey 10 sano. Kim wuxuu u adeegsadaa degaan ahaan 15 guri oo aad loo ilaasho kuna kala yaal dalka oo idil, inta badanse aan si fiican xog looga aheyn dhab ahaan halkay ku yaalliin arrimo amni dartood.

 

Cunnada iyo Cabbitaanada

Kim cunno ahaan wuxuu jecel yahay oonta badda (Sea food) gaar ahaan kalluunka madow ee aalaa laga helo badda Kasbiyanka (Caspian sea). Kim wuxuu aad ugu dhintaa mar kastana aan agtiisa laga waayin oo uu jecelahay inuu cuno haambeegar iyo Biisa (Hamburger & Pizza). Halka, cabbitaannada uu aad u jecel yahay lagu sheegay khamriyo lagu kala farsameeyo faransiiska iyo Ruushka oo lagu kala magacaabo Champagne iyo Vodka siday u kala horreeyaan. Kim, isagoo miisaankiisu aad u badan yahay haddana wuxuu jecel yahay oo loo keenaa burcad badan kaasoo lagu farsameeyo dalka faransiiska.

 

Kafeega looga keeno waddamo ka tirsan Laatiin Ameerika ayaa la sheegaa inuu sannadkii ku kharash gareeyo kumannaan kun oo dollar maadaama Kim uu aad u jecel yahay cabbistiisa. Isagoo sidoo kale aad u qabatimay sigaar lagu sameeyo dalka ay colka yihiin ee Maraykanka.

 

Hilib jaceyl aad u daran!!!

Kim wuxuu sidoo kale jecel yahay hilibka iyo maraqa inuu isugu roonaado maalin kasta, isagoo jaceyl uu ka qabo dartiis maraqa loogu soo shubo saxan weyn ama dhawr jeer ku ceshada. Hogaamiyaha Kuuriyada Waqooyi ayaa la sheegay inuu qabatimay hilibka Japan, kaas oo ah mid aanan badanaa la helin oo aad qaali u ah iyadoo xoolahaas laga helo aagga Wagyu.

 

Hilibkaas waxaa badanaa loo yaqaan "Hilibka Kobe" - Kobe: waa magaalo hilibkaas laga helo. Japan-na waxa ay leedahay hannaan gaar ah oo lagu dhaqo xoolaha taas oo hilibkooda ka dhigtay mid qaali ah oo dhadhan gaar ahna leh.








Nin aamus badan

Ugu dambeyn. Kim maahan nin hadal badan, xataa mararka uu la hadlayo warbaahinta isagoo hawada jawaab u marsiinaya waddamada reer galbeedka ee xifaaltanka siyaasadeed kala dhexeeyo.

 

Gun iyo Gunaanad

Waxa aad u la yaab ah dhammaan badeecadaha  Hoggaamiyaha Kuuriya uu isticmaalo sida cuntooyinka, cabbitaanada, Lebbiska iyo waxyaabo kale oo badan waa kuwo dhammaantood lagu sameeyo dalalka ay sida daran isaga soo horjeedaan.

Balse, jaceylka naftiisu ay u qabto darteed maadaama uu muddo badan Switzerland arday ka ahaa oo yaraantiisii uu la qabsaday ayaa ku sababtay inuu aad u jeclaado,la’aantoodna uusan joogin karin laguna kharash gareeyo boqolaal kun dollar in la soo dejiyo badeecooyinkaas.


Xigasho: BBCSomali